الجمعة، 3 أبريل، 2015

قلب مريد للحياة

قلب مريد للحياة و زادها

لا يعلم ان الحياة الدنيا أم

و متاع قلبك كان من أولادها

جاء الوعيد اليك لكنك تصم

ان تدرك حقا صميم مرادها

و وقفت ضمن مزادها

و صرخت أيام بعمرك

كي تصون ودادها

جاءك نذير الحق مرات و عاد

خالفت كل ميثاق عهد باجتهاد

قلب مريد للحياة و زادها

لا يعلم ان الحياة الدنيا أم

و متاع قلبك كان من أولادها

و القلب ان يضعف فضعف القلب هم !


دمع الفرقة


حايلت دمع الفرقة ميطولش

رغم المحايلة و الانكسار طول

كل اما بمسح دمعه ميكملش

ثانيه بتنزل تاني مالأول



يا دنيا

و يا دنيا شبابي عجوز فيكي


من كتر ما شاف من أوجاعك


أنا أكتر واحد عاش فيكي


ندمان علشان ولا يوم باعك

الخميس، 2 أبريل، 2015

حبة دلع



وجعك عشان نفسك عزيزة

و وجعي كــــــــان حبة دلع

جواك في أكتر من غريــــزة

تهوي الفراق من غير شبـع

في ناس تروح تزعلهـــــــــا

و في ناس تحب تقولهــــــا

ان البعاد عنهم بـــــــــــراح

راحوا فـَ راح طعم الوجـــــع




حنة ابن طنط سعاد


سرحت فلقطه من تسجيل 

لحنة ابن طنط سعاد
اكيد فكراه و فاكره معاد
ما خدنا الصورة فالكوشة
و كل الناس بتتريق 
علي طريقتنا قال عرسان
و قال ايه كنتي مكسوفه
برغم ان انتي مرووشه
فضلت اعيد فيه ميت مره
و فاكره و فاكر التفاصيل
و فاكر كل وقت جميل 
معاكي عيشته كان ده العمر
و كان دا الاصل فطموحي
و من ساعة ما سبتيني
في شيء اتقص من روحي
و من معني الحياة فيا
فكوني فجنة الخالدين
و كوني فاعلي عليين
آمين من كل حبة شوق
دا كنت اروح ولا تروحي
و تاني اللقطه دي بتتعاد
لحنة ابن طنط سعاد
و دمعة عيني محبوسة
دعيت ميت دعوة بدموعي
و فوقها بقلبي ميت بوسة


الجمعة، 25 يناير، 2013

في ذكري 25 ثورة يناير


الليلَه ميت دَمعـَـــــــــه
نازلَه عَشان ذِكــــــــري
نازلَه عَشان فِكـــــــــرَه
فاكرَه اللي راح لاجل ان
يِحييها مِن دا اليـــــــوم
و رَحَل عَشان بُكـــــــره
كَتَب التاريخ دمُّـــــــــــه
وَجَع الكَلام امُـــــــــــــه
وِقِف الجَميع يِقــــــــــرا
مَشهَد حَزين يِفـــــــرِح
مشهَد شَهيد مســـرَح
ثورِة هُموم اُســــــــــرَه
ضَمايِرها مِش كافـــــرَه
بالعَدل و المُســــــــاواه
اللي الجَشع خــــــــلَّاه
مَردوم عَليه فـِ حُفـــــرَه
الليلَه ميت دَمعـَـــــــــه
نازلَه عَشان ذِكــــــــري

الأربعاء، 23 يناير، 2013

السلسبيل

السلسبيل انــــــــــت
و المنتهي روحـــــــــك
و ببوح كما بوحـــــــــك
ناطق يقول اسمــــــي
مرسال و كان رسمي
مالسلسبيل و انــــــت
و المنتهي روحـــــــــك

الاثنين، 21 يناير، 2013

مجنون .

مجنون جنون جانـــــي
مشحون شجن حانـي
مسنون سنون عطفي
زانن علي ودانــــــــي
اعشق عنيك و اصبـــر
صبار يا عنوانـــــــــــي
و رهان فراق يخســــر
مرهون و كان جانـــــي
علي حلم جمعنــــــــا
و املنا يسمعنـــــــــــا
نرجع ندوب تانـــــــــي
و ارجع اكون مجنــــون
مجنون جنون جانـــــي

الخميس، 17 يناير، 2013

بين قُطوف الزَهـر





مِن بين قُطوف الزَهـر
انت الوَحيد تِتسِقــي
و ادفَع حَياتي مَهـــــر
للفُرصه لاجل التِقِــي
عينَك يا نور العُمــــــر
ارحَمني بيك اتِّقــــي
رَب القُلوب و الاَمـــــر
واصِل نِهايتُه و شِقِي
قَلبي فعِنيك السُمــر

يا موزعين الهـَـــــم

يا موزعين الهـَـــــم
شُكراً انا مَهمـــــوم
اصلاً و مش مُهتــَـم
و عَجبي همِّي اتلَم
نسَّاني طَعم النــوم

و عَجبي !

الاثنين، 14 يناير، 2013

الحُزن اللي شابـِك

لَملِم الحُزن اللي شابـِك
طَرف ديل فُستان هَــواك
كمِّل الصوره بِمـــــــــلاك
كون كَاحسن حَد سابـِك
دور لِعاشِق مُستَميــــت
جُوَّه مِنَّك انت ميـــــــــت
مُشكِلَه و مَشبوك مَعـاك
قَلب مش ذَنبُه و يا ريــت
لَملِم الحُزن اللي شابـِـك
طَرف ديل فُستان هَــواك

الأحد، 13 يناير، 2013

متتكلمش

متتكلمش اقول ماشـــــي
و اكلمها مترضاشــــــــــي
و ازن كتير تقوم ترمـــــــي
بكام كلمه علي الماشـي

و عجبي !