الاثنين، 31 ديسمبر، 2012

جرب تنسي

جرب تنسي الحزن الفايـت
و اعمل نفسك معرفتـــوش
نام فالحلم و قوله انا بايــت
بالتمليك او بالمفــــــــروش
و ارمي جراحك مالشبـــاك
اقفل حزنك و ارجع بـــــاك
و اعمل كحك امل منقــوش
جرب تنسي الحزن الفايـت
و اعمل نفسك معرفتـــوش

لزوم الشيء

اضحك حتي فوشي ثوانــي
خلي الضحك لزوم الشــيء
و اهرب من وصفك كَـ اناني
كون قدام الكل بــــــــــــريء
و اصبر لما الدور يتــــــزوق
ناشف ريقك ليه مَ تــــــروق
مش محتاج تتازم تانــــــــي
ولا هتشوفني فاي طـــريق
اضحك حتي فوشي ثوانـي
خلي الضحك لزوم الشــيء

الأحد، 30 ديسمبر، 2012

بحب اسرح

بحب اسرح و اقوم باعــــــد
عن الدنيا و زحمتهـــــــــــــا
و امدد رجلي ناحيتهــــــــــا
ما ياما ذلت الواحــــــــــــــد
مفكر اني ذلتهــــــــــــــــــــا
لكني لما بسالهـــــــــــــــــــا
دا يرضيها بذمتهــــــــــــــــا
تقوم تسكت متتكلمـــــــــــش
سكوتها محير الواحـــــــــــد
مفيش شيء فيها بيساعــــــد
عشان اصفا لنحيتهــــــــــــا
و لما يفيض بقي بيــــــــــــا
فبسرح عنها اقوم باعــــــــد

قالوا

قالوا الغِني بالمـــال
قالوا الغُني عمَّــــال
يرسِم علي جبيــــن
الشقيانين بسمـَــــــه
لِقيوا الغِني رسمـَــه
فُرشِتها رِضا بِالحال
و الشُكر عالقِسمــــة
عازف نغم مــــــوال

الجمعة، 28 ديسمبر، 2012

حِلم مِتغطـــــــي

مَفيش غير حِلم مِتغطـــــــي
بِهَم تقيل و نور خافــِــــــــــت
و الاقي شَجاعتي فِارادتــــي
و جات وَقت اللزوم خافـِــــــت
و قَلب ضَعيف مَيستَحمِلــــش
اقولُه اعمِل و مبيعمِلـــــــــش
حِساب للناس و يِتهافِــــــــت
و يِمضي حضور و مش خَطـي
لَكن كُل اللي شاف مَعرِفــش
كأن مَفيش عُيون شافِــــــــت

انا مُشتـاق

اعمل ايه مبنامش و خايـــــــف
احلم بيك و اصحي عَلي فـُراق
و اسهَر لما ابقي منـَش شايف
و احكي لـ لِيلي ان انا مُشتـاق

مَرسوم عَلي كَفك

انا مَرسوم عَلي كَفك مِــــن
يوم لمَّا اتنَفِست فِصُغـــــري
علشان كِده لِهواكي بَحـِـــن
كُل ما بَبعِد برجَع دُغــــــــري
ارجَع افكَّر فيكي بِزيـــــــــادَه
و اسلُك كوني العاشِق عادَه
و اعشَق روحِك بَس بِفـَـــــن
انا عشقان و دلالِك مُغـــــري

حِلم صُغيَّر

كان حِلم صُغيَّر علي فَجــــأه
بَقي ذِكري فتَصريف الماضي
و مَشاعري اتخَلَقِت مِتفجـأه
علشان فِالجَرح تِكون عــادي
و باقلِم نَفسي و اكون واحِـد
مرضاش بالحِلم يِكون جاحـِـد
و اتعشم جدا عالفاضــــــــي
كان حلم صُغير علي فَجــــأه
بَقي ذِكري فتَصريف الماضي

خارج عن المئلــــــوف

انا زي منهج بــــــــس
كام جزء فيه محــذوف
انا حد مش بتحـــــس
او كلمه ناقصه حـروف
انا كل شيء مكملش
خارج عن المئلــــــوف

حُب محَبِتـــــــوش

رُبَّ حُب محَبِتـــــــوش
او كَلام مَفهمتُهــــوش
كان لِغيرَك شيء كِبيـر
بَس فَجأه راح فاشوش
لمَّا كان يِوصَل و عنـدَك
يبقي مِش قادِر يَعاندَك
ينكِسِر يصبَح رُطــــوش
حَتي لو فِالنيَّه خيـــــــر
كان فِمَعني الجَرح غيـر
و انت مَقدرتِش تِحـوش
ردَّك اِن مَحَبِتــــــــــوش

اجدع ماللي يخونـــــك

اطلع اجدع ماللي يخونـــــك
سامح و ارمي الخير فالبحـر
صونه انشالله ما عنه يصونك
طيبة قلبك تصبح سحــــــــر
اصفي بقلبك كده و خـــلاص
سامح جواك كل النــــــــاس
ربك دايما يبقي فعونـــــــــك
اطلع اجدع ماللي يخونـــــك
سامح و ارمي الخير فالبحــر

الثلاثاء، 6 نوفمبر، 2012

ذكري !

زي عادتي يوم فراقـــــــــك .. بفتكر كل المواقـــــــف ..
يبقي عادي الوقت ماشي .. بس جزء فعمري واقـف ..

"الله يرحمك يا ابويا"
7-10-2009 :(((((
مكفيني اكون انسان .. و حابب نفسي مع روحـي ..
و مش هزعل فيا احزان .. سيبني اتفضــلي روحي ..

السجاره


السجاره ..
مش هتبقي شاب جنتل بالسجــــاره ..
مش هيبقي الطقم اشيك بيها عادي ..
و اما عالدخان بتفطر مش شطـــــــاره ..
و انت بتفكر مجتشي عالنوبــــــــادي ..
صحتك بتروح خســــــــــــــــــــــــــــاره ..
قولي و باي امـــــــــــــــــــــــــــــــــاره ..
تأذي نفسك و انت راضــــــــــــــــــــي ..
اللي لازم تبقي فاهمــــــــــــــــــــــــه ..
و اللي تاخده مالعبــــــــــــــــــــــــــاره ..

ان نفسك مش لنفســـــــــــــــــــــــك ..
و ان في شيطان منافســـــــــــــــــــك ..
خَلَّي دخانك مغــــــــــــــــــــــــــــــــاره ..
جوا منها هوا حابســـــــــــــــــــــــــــك ..
و انت شربك اعتيـــــــــــــــــــــــــــادي ..
فكر المرادي يمكــــــــــــــــــــــــــــــــن ..
كل شيء لو زاد صعوبتــــــــــــــــــــــه ..
باقي منه جزء ممكــــــــــــــــــــــــــــن ..
بس فكر و ارمي طوبتــــــــــــــــــــــــه ..
ايوه شايفك فيــــــــــــــــــــــــــك اراده ..
نور فوشك بان زيــــــــــــــــــــــــــــــاده ..
في فروحك حد مؤمـــــــــــــــــــــــــــن ..

حلاوة روح

عشان مجروح .. عشان حلمي خلاص بيروح ..
بودع بسمتي عامل .. سعيد لكن حلاوة روح ..

مراحل الحب


الحب مراحل مختلفه .. نبدأها بفصل التسبيلـــــــه ..
بيكون المشهد بين واحد .. عدت قدامه بنت جميله ..
فيتنح طبعا و يسبل .. و يا اما تشوفه واحد تافــــــه ..
و يا اما تقول عنه دا يهبل ..
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
الفصل التاني مشي وراها .. و بتعمل مش واخده فبالها ..
و كانه مفيش جواها حاجه .. و كانه سراب بالنسبالهـــا ..
او ممكن كام نظره رخامــه .. و قراره اكيد مستقبلهــــــا ..
♥♥♥♥♥♥♥
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
الفصل التالت هيدور .. علي مصدر نمرة تليفونها ..
و يقرر جواه و باخلاص .. هيحبها ابدا ما يخونهـــا ..
فالاخر بيجيب النمره .. و يجهز نفسه و يتقنهــــا ..
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
الفصل الرابع احداثــــــــه .. بتكون علي غير المتوقــــــــــــع ..
لا هتعرف تتخيل فيهــــــا .. تواريخ ولا احداث ولا موقـــــــــع ..
ممكن هتلاقي اللينك سريع .. او ممكن تلقي القصه تضيع ..
او ممكن غيره كتير مواضيع .. عامل زي شعور متقوقــــــــع ..
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
الفصل الخامس بيكمــــــل .. فالرابع بهدوء متناهـــــي ..
و بتبدأ قصتهم تكمــــــــــل .. و يكون الحب بلون زاهي ..
و يبان فيه ملامح مستقبل .. و المجنون بيفكر يعقـــل ..
و يقولها من حبي انا ليكي .. هتقولي عليه و تتباهي ..
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
الفصل السادس بقي ييجي .. بتدور احداثه علي خطوبه ..
و يا بخت اللي نصيبها حقيقي .. و هتلعب دور المخطوبه ..
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
و الفصل السابع يتوقف .. عالفصل السادس كليا ..
لو ناجح فعلا فخطوبته .. يبقي هيتجوز فعليــــــا ..
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
و الثامن اولاد و مدارس .. و مشاغل حضناها الاســـره ..
و يكملوا فيها باقي حياتهم .. عسرا ايام .. و ايام يسرا ..
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
و التاسع احفاد و اللمه .. و البقيت هيكون بيت العيلــــــه ..
رمضان و العيد ناس متلمه .. و اكتر من 100 ذكري جميله ..
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
و العاشر مفتوح لخيالكوا .. امانيكوا لاحفادكوا و لعيالكــــوا ..
بس متنسوش الشير احسن .. ازعل يا ولاد خلوا فبالكوا ..
^_^_^_^_^_^_^_^_^_^_^_^_^_^_^_^_^_^_^
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

حق ناس

حق ناس كان راح لناس .. و ذنب ناس كان شاله ناس .. و كل دا كان فالاساس .. فبلدنا من كتر العشم .. بس الحكايه كانت خلاص .. قلبت غشم .. زاد الالم .. فجأه اترسم .. باب الخلاص .. لما الامل كان انعدم ..

لو كان

لو كان الجـــرح دا virus .. كنت اجيب احسن anti !!
و ان كان حبك متvirus .. ها clean للكل الا انتي !!

مصر دافيه


مصر دافيــــــــــــــــــــــــه .. و شعب بــــــــــــــــــــــــارد ..
نيه صافيــــــــــــــــــــــــه .. و جهل سايــــــــــــــــــــــــد ..
كل 10 بيسرقــــــــوهــــا .. تلقي مخلص ليها واحــــــد ..
كل كارثه او مصيبــــــــــه .. تلقي مسئول عنها قاعـــد ..
رغم كل دا هتسمـــــــع .. مصر مستقبلها واعـــــــــــد ..
مش بصدقها بصراحـــه .. طول ما ناس فالساقيه دايره ..
لاجل ناس قاعدين فراحه .
. مش بعانــــــــــــــــــــــــــد ..
بس لما الظلم يلعـــــــب .. مش هشجع مش هساند ..
مش هكون ظالم معاهم .. او اكون عامل مساعــــــــد ..
بس فاضل املي فيـــــــا .. اللي من ثقتي فربـــــــــي ..
ان محنة بلدي هيـــــــــا .. اللي هتفيدنا و تربــــــــــي ..
فينا امل ان احنا نصحـي .. لاجل ما نغير نجاهــــــــــــد ..

ايوه بزعل مالهزار


ايوه بزعل مالهــــــــــــــزار ..
لما تيجي تقولي ممكـــن ..
يوم اسيبـــــــــــــــــــــــــك ..
مش هزار .. مش ظرافــــه ..
كل شيء بيقول هنبعـــــد ..
يبقي 100 مليون سخافـه ..
و اما قولتلي اني صاحبـك ..
مش حبيبــــــــــــــــــــــــك ..
غصب عني مش مصاحبك ..
اها هسيبــــــــــــــــــــــــك ..
و اجري و ازعـــــــــــــــــــل ..
مش بايـــــــــــــــــــــــــدي ..
مانت لو عارف شعـــــوري ..
كنت هتقدر و تعقــــــــــل ..
عارف امتي الناس تقــــدر ..
حب غيرهــــــــــــــــــــــــم ..
لما غيرهم يوم بيرحـــــــل ..
و اما بتعوزهم ضـــــــروري ..
يبقي ممكن حل واحـــــــد ..
هو انك تفتكرهــــــــــــــــم ..
هو حبة ذكريــــــــــــــــــات ..
متشاله فالبوم صورهـــــم ..
مش مكبر مالحكايــــــــــه ..
بس كان لكلامي معنـــي ..
بس مش ممكن هيفهـــم ..
اي حد كان سامعنـــــــــــا ..
الا انت ..
لو في قلبك شيء باسمي ..
شيء بيضمن طول حياتنـــا ..
بعد كل فراق رجوعنــــــــــــا ..
يبقي متهزرش تانـــــــــــي ..
يبقي متقوليش هتبعــــــــد ..
ايوه هبقي حبيب انانـــــــي ..
اه بحبـــــــــــــــــــــــــــــــــك ..
و ان كل نبض قلبــــــــــــــي ..
له معاني .. رايحه قلبــــــك ..

طريق العذاب

علي طريق العذاب فاتـــــــــــــــح ..
و خايف يمكن اخبط حـــــــــــــــــد ..
لا في عندي نظام كابــــــــــــــــح ..
ولا حتي فرامل يـــــــــــــــــــــــــد ..
ولا عارف اروح علي فين يودينــي ..
ولا لاقي اشارة تقوم تهدينـــــــي ..
و مستني الاقي حبيب يشاورلي ..
لكن مالسرعه مش متشــــــــاف ..
و مش واضح ..

بتمناك

بتمناك و بتمني اكون وياك .. و هبدا بيك حكايتي و احب تكون بلا نهايه .. و اكون انا طول حياتي معاك .. و الفرحه تشوفها ويايا ..
و البسمه احس بجمالها .. و دايما من عنيك تبدأ .. و الون فرحتي بلقاك .. و رضاك عندي يكون مبدأ ..

منك ولا بزعل

فكل ظرف جواب و فكل كلمه عتاب .. و فكل حرف معاني .. و شعور زعل كداب ..
منك ولا بزعل و لا عمري بتخيل .. اني اشيل منك و ان كنت بتشيل .. ناسك و احبابك غيرهم انا الاحباب .. و رجولتي لو بالزعل .. ابقي معاك عيل ..

ماليني الشوق

زي الكلام ما بييجي مالقلب و بيتقال .. زي النغم ما يرن باللحن فالموال .. انا عندي الف دليل اني ماليني الشوق .. طاير و شايلني رافع جناحي لفوق .. و انا فرحتي ملياني .. و بقيت كما الاطفال ..

كوني لي


 
 
 
كُوني لِي شَجَرةٌ في بَيتي لَا يَقطُف مِن ثِمَارُها اِلا اَنا .. وَ سَيَكون عُمري رِي لَكِ .. تَعِيشينَ بي وَ اَعيشُ بِكِ ..

الأربعاء، 13 يونيو، 2012

مكنش نفسي

مكنش نفسي تكون كده اخرتها ... مكنش نفسي اكون مالمتوهمين في حكاوي ... و بعد لما اتطَّمِنِت خِسرِتها ...

حب الله

سمعت شيخا يتكلم عن محبة الله .. و قال ان هناك منا من يحب اشياء و يهواها اكثر من حبه لله ( قلت اعوذ بالله ازاااااي !! ) ... قال بالتأكيد من يسمع هذا سيقول اعوووذ بالله .. ( كما فعلت انا ) .. لكنه بالفعل كما اكمل واقعنا المرير الذي يجب ان نواجهه بدل من ان نتنصل منه و نكتفي بالاستنكار من اخطائنا و كاننا لسنا المخطئين .. حبك الحقيقي لله ستعلمه حين تكون صادقا مع نفسك .. و تتذكر كم مره سهرت من اجل شيء تحبه او شخص تحبه .. و كم مره ان كان قد حدث ان جلست في جوف الليل تناجي ربك و ان كان لبضعة دقائق فالصدق فيها بالدنيا و ما فيها ..
فقط حين نواجه انفسنا علينا ان نكون صادقين معها و الا فلن تكون اصلا مواجهه بل خداع و ارضاء لغرورنا باننا لسنا مخطئين ..

حب الله .. فلنجعله غايتنا ..

سكوتي

سكوتي ساعات يريحني .. و ساعات افتكره بيعبــــــــــــر ..
عن المليون كلمه جوايــا .. عن الفرح اللي مستكبـــــــــر ..
يقربلي ولو ليلــــــــــــــه .. يقولي سامحني مـــش هقدر ..

يا دنيا يا خياره

آآآه يا دنيا يا خياره كما قالوا .. بتدي الفرح للفرحان .. بعد ما تاخديه من الشقيان علي عيالوا .. و عجبي عاللي تروحيله ميرضاشي .. و الغلبان يقول ماشي بقي و مالو ..

و عجبي ..

يفيد بايه !

و يفيد بايه الندم لما الفرص تخلص !!
و تفيد بايه الحكم لما النفوس ترخص !!
و يفيد بايه الهوي لما القلوب تقفل !!
و يفيد بايه السهر .. لما الحبيب ينعس !!
 
 

علي عومك

هسكت و هعوم علي عومك .. لكني اكيد مفرحنيش .. اكون محسوب علي همومك .. اكون انا لحظة الاحزان اللي بتحزنها من يومك ..

غير السيره

و مين دا اللي بيكلمني فالحيره .. و قال تعبان من الغيره .. و واثق اوي لما يتكلم .. اقوم اتنح انا و ابلم .. و اقوله حياة غلاوتك تسكت .. يا اما تغير السيره ..
عمو الفرَح جاني .. فرَّحني يا عمو .. اتاريه مش جاي ليَّه .. ولا كُنت انا هامُّه ..

لازم اعقل

مش هقولك عللي بيا .. مش حاكيلك مهما تسال .. مش هصالحك لما تزعل .. ايوه عشت معاك عبيط .. بس فوقت و لازم اعقل ..

كانت هزار

فاجأني و قوللي انها كانت هزار .. لما قولت انك هتبعد دا النهار ..
من ساعتها سابلي ليل و راح مجاش .. بس املي منتهاش .. اني اسمع حتي صوتك لو تقول .. كلمتين كده باختصار ..

عصفوري

ضعفك يا عصفوري ابدا ما بيعيبك .. دا انت فسماك طاير ولا حد بيجيبك .. و عجبي علي ابو الغشم اللي بيصطادك .. طيبتك و رقة قلبك بتغره فيصيبك ..

و عجبي

متسألنيش

متسألنيش انا اصلا مبتكلمش .. سؤالك ده بيألمني ..
و انا عامل مبتألمش ..
و لو في ناس بتتكلم .. عشان مالجرح تتعلم ..
انا غيرهم مبتعلمش ..

حبيبي مسألنيشي

يا هم طير و ابعِد مِن علي شيشي .. و خُد الجِراح عَندَك .. روحي بعيد عيشي ..

واقِفلي قال ايه بيسأَل " مِش هَتحتاج حاجه ؟؟ "

و عَجَبي علي هَمِّي فِسُؤالُه .. دا حَبيبي مسأَلنيشي ..

برسم بسمتي

برسم بسمتي قدامكم .. ياللي بتاخدوني من شكلي .. ده في ناس لو حتي انا بضحك .. بتحس بكل مشاكلي ..
بسكت لو اكون موجوع .. عالفرحه هموت مالجوع .. و ييجي و ياكل من اكلي ..
اللي مفكره يفرحلي .. كنت هموت لما شرحلي .. خد حلمي و قام مباركلي ..

و الله منا لاعب

تسألني ليه ببعد عنك ؟؟ علشان مسببلي متاعب ..
عايزني ليه احبك و اتعب .. لا يا عم و الله منا لاعـب ..
و الوم نفسي في الليالي .. و السهر هنا لي رفيق .. و اجد نهاية حلمي في بديء الطريق ..

فرفور بيحب


يسقط يسقط بعدك عني .. يسقط يسقط يا مجنني
هعمل ثوره و نرجع تاني .. اخص عليك بقي كده تنساني !!
مبقتش شايف حد خلاص .. غيرك .. و انت كلامك كله من طراطيف .. مناخيرك ..
انا و كتير بِنتعَذِب بِجد غَلابه .. و نِلعب عَالاَمل 100 دور مَلِك و كِتابه ..

مش عايز

سئلوني نفسك تنسي ؟!
قولت "مش عايز"
قالولي طب و العمل ؟!
قولت "كل شيء جايز"

كتر كلام

مـش لازم كتر كلام .. مش لازم قولنا و قــال ..
غمض قلبك دا و نام .. و انت تكون عال العال ..

صوت مجروح

بنادي عليَّه و مش سامِع غير صوت مَجروح ,, و الجرح بصوته بيتكَلم عن قِلة حيله ,, و حتي الآه الِّلي بقولها بِطلوع الروح ,, كُنت مفَكَر لمَّا هَقولها هَسمعها جَميله ,,

مش هامك

انا لما تشوفك عيني .. الدنيا مبتساعنيش .. و انت بحسك مش هامك .. شفتني او متشوفنيش ..
خَلِّيـــــــك نَفسَك .. و حِب كُل الناس .. حَتَّي الِّلي بيْنافسَك ..

تبا لاحلامي

طمعت في حلم ما كان بمنامي .. لكنها تأبي فحقا .. تبا لك فراشي و سحقا .. تبا لاحلامي ..

نص سؤال

حالي غريب الحال .. و عندي طولة بال .. و اشتاق ولا تعرف .. و مني ما تتقال .. و ان كنت انا هامك او حتي بيهمك .. اني اكون فرحان .. طب كنت تسالني لو حتي نص سؤال ..

و عجبي !

كامل الاوصاف

ليس الحب في ان تجد شخصا كامل الاوصاف لتحبه .. و لكن ان تجد من تحبه هو كامل الاوصاف ..

نقاء الحب

نقاء الحب تترجمه الرغبه الخالصه في ان تعطي دون ان تجد بداخلك شيء من الانتظار لمقابل ما اعطيته ..

حواري ..


بقالي فتره ساكت بفكر هو انا شُفتها بجد ولا كِده و كِده !!
يقولولي دي تهيؤااات اقولهم و النعمه شُفتها يا ناس كانت حِلوه قَوي قَوي حتي انا مُمكن اوصفلكوا كل حاجه فيها و افضَل اوصفلُهم فيها .. بكل دقه و همَّ عارفين اني شفتها و يقولولي بيتهيألك ..
لكن اصلا المشكله مش عندي .. انا لمَّا شُفتها جريت وراها بسرعه بس هي دَخلِت حاره فآخر الشارع و لما جريت كُل دا و دخلت وراها الحاره .. ملقتهاش ..
لَقيت حواري تانيه كتيييييير داخلين فبعض ..
و معرِفتش هيَّ دخَلت اي واحده ..
بس انا شُفتها .. فِعلاً شُفتها .. قبل ما تِضيع منِّي !!

انا شُفت " الفرصــــه " بعيني ..

العتب علي مين ؟!

يا قَلبي اِهدَي و اِستَنََّي هَحَايِل فِيكْ لَكِن بَعْدين .. دا مُشكِلتَك بِلا فَاعِل .. طَيِّب يِبقَي العَتَب عَلي مينْ ؟!


سانتظرك بلا ملل .. فشوقي يرافقني ..

بدايه جديده

ادفع ايمانك بكل ما تفعله بكل عزيمه .. و اهتم بكل ما يسخر منه الاخرون .. فقد يكون بدايه جديده هم فقدوها ..
ساتعلم السعادة من اجلك .. هكذا ساظل اتنفس ..

ظن البشر اني لا شعور لي .. لكني املك من الاحساس ما يفوق بعضهم ..
سَاَعتَقِد وَ اُفَكِر بِصَوتِ وَ بِدون صَوت طَالَما نَبَضَ قَلبي .. فَعَقلي لَيسَ اقَلُ شَأناً ..

حتي اغير ما بنفسي

احيانا احب التجول في شوارع ذاتي و نفسي .. لكن يصيبني الاحباط عندما اجدها مظلمة بسبب سوء تفكير او سوء تصرف ترتكبه نفسي في حقها .. فابحث عن شخص الومه ..
و اجد نفسي انا المالك و المسئول و المستاجر و المنتفع و انا كل الاطراف .. فهي نفسي ..
فاتذكر ان الله لن يغير ما بي حتي اغير انا ما بنفسي ..

ستبقي ابتسامة الطفل البريئة في عيني .. طالما رايت ابتسامتك ..


اُحِبُ حَيَاتي فَرَبِّيَ الله


مَن يُحِبَك .. هُوَ مَن يَفعَل مَا يُسعِدَك .. فَيَسعَد بِابتِسَامَتَك ..

هذِب قلبك

هوَ مَن تَتَفائَل بَرُؤيَتُه .. هُوَ مَن تَبتَسًم لًسَعَادَتُه .. هوَ مَن تَبحَث عَنهُ دونَ ان تَشعُر وَ حينَ تَجدهُ تَطمَأِن .. فَتَعلَم كَم كُنتَ تَشتاقُ اِليهِ .. هوَ مَن احَبَه قَلبَك .. فَانساقَ لَه كَيانَك عَن غَير عمدٍ .. فَكُل هَذا يَجعَلَك تُهَذِب قَلبَك لِيُحسِن الاختِيار ..

سجودك

اقفِز اِلي اَعماق سُجودَك لِرَبِ العالَمين وَ اغتَرِف مِن راحَةِ البال الَتي يَعرِضُها الله عَلَيكَ بِدونِ مُقابِل .. وَ قُل لَهُ سُبحانك رَبِّي .. سُبحانك ..

صبرا طيبا

وَ ظَنَنتُ اَنِّي لَن اَعود يا قَلبي كَي اَتَكلَّمَ .. وَ نَسيتُ كُلَّ الاُمنِيات وَ وَجَدتُ عَقلي اِستَسلَم
وَ نَسيتُ حِلماً قَد بَدَأ .. وَ هَرِبتُ مِن وادي الاَمَل .. لَكِن امراً صاحَ في وَجهي بِاَن اتعَلَّمَ
وَ بِاَنَّ اُحِبَ المُنتَهي في كُلِ طَيَّاتِ المُراد .. وَ بِاَنَّ صَبراً طَيِباً يُغنينا عَن سَبقِ الميعاد
يَحمِلنا كي نَحيا حَياةً مُشرِقَةٌ وَ مُلهِمه ..
اِذا ارَدتُ الحُبَ فَابحَث عَن شَخصٍ كُلَما ضَحيتُ مِن اجلِهِ شَعَرت بِالسَعادَه

مازلت تتذكره

هُناك دائِماً اشخَاص يَسقُطُون مِن تَفكيرنا وَ قَد نَكون نُحبهم .. فابحَث كُل حِين عَن شَخصٌ ابعدتَك عَنهُ الحَياه .. وَ اخبِرهُ انََكَ مازِِِِِِلتُ تَتَذَكرهُ ..

الممكن و المستحيل

المُمكِن و المُستَحيل بينَهُم خَيطٌ رَفيع .. قد تَسحبهُ فيَنقَطِع فَيَظِلُ الفرقُ بينَهُم قائِم .. و قَد تَجِد سَبيلاً لِتَعبُر بينَهُم .. فَكُن حَذِر ..

ابتسامتك

لتكن ابتسامتك هي الرد المقنع علي كل من يخطيء في حقك

الذي يستحق

اذا اردت ان تحب .. فلا تبحث عن كامل الاوصاف بل ابحث هذا الذي يستحق حبك ..

الحب بين ثنايا الحياه

قطرات الندي في ليل السقيع .. و الوان الطير في خلط بديع .. و انين الوفاء في جرو وديع .. و سطوع الشمس علي ورد الربيع ..

الحب يتناثر بين ثنايا الحياه فلا تفقده ..

انسانيتك

لا يأخذك الاعجاب بنفسك لاحتقار الاخرين .. ولا تحقر من نفسك ظنا منك انه التواضع .. فانت انسان جميل لان الله خلقك في احسن صوره .. و انت عبد فقط لمن خلقك .. فان اردت العبث باتزان الامور فقد شوهت انسانيتك ..

سيأتي النور ..

يوماً ما سَيأتي النور لا مَحاله .. فَوَطَنُنَا كَالمُسافِر في رِحلَةٍ شاقَّه .. فَثِقَةٌ في ربِ العالَمين تمنَحنا وصولاً آمِناً ..

كن خلاقا

من المؤكد ان بداخلك فكره و تتصرف علي اساسها .. فكن خلاقا .. و لا تحرق افكارك بداخلك .

رأي | القضيه في الطشت !!



كانوا ساكنين في بيت واحد عادي يعني بيحبوا بعض و محدش بيضرب التاني علشان ياكل اكله ولا يشرب شربه ولا حاجه و المشكله بقي في حتة الشرب دي .. لان في الفتره الاخيره بدا بعضهم يقفل حنفية الميه بغباء مستحكم .. و لانه قوي بيقدر يفتحها تاني .. و الباقي يشرب او ميشربش مكنش بيهمه .. المهم هو يشرب .. و يشرب اللي زيه .. لحد ما حس الباقيين انهم لازم يتصرفوا و الا هيموتوا من العطش .. و قرروا ياخدوا الطشت الكبير بتاعهم و يروحوا يفتحوا الحنفيه مع بعض .. و كانوا متاكدين ان قوتهم في اتحادهم .. و انهم اكيد هيقدروا يفتحوها من تاني و يتحكموا فيها و يقسموها بالعدل .. كانت القضيه متمركزه في الطشت اللي هنملاه ميه و نوزع منه .. لحد ما اتجمعوا علي الحنفيه و بدا كل واحد يقول انا هفتحها بطريقتي .. و كل واحد يستعرض عضلاته في الشد و الرزع و الخبط .. و للاسف بدأوا ينسوا الطشت بتاعهم و رموه بعيد .. علشان يشدوا و يفتحوا الحنفيه .. و فعلا فتحوا الحنفيه .. لكن مقدروش يسيطروا علي الميه لانها غرقتهم .. و الطشت هم اللي نسيوه بعد ما كان هو قضيتهم من البدايه ...

اتمني المصريين يفوقوا لطشتهم !!

الأحد، 8 أبريل، 2012

مش عايز اقوم .

مشفتنيش غير لما شيء منك ظهر جوايا يوم .. كنت سكته بين الكلام .. كنت غيمه من الغيوم .. و لما جيت عندي بدت ليا ملامح تترسم .. رسمة شفايف تبتسم .. و حلفت همحيها الهموم .. لكن صحيت مالنوم لقيت .. نفسي في حلم طويل و كنت .. سعيد و مش عايز اقوم ..

مش محتمل .

و ركبت مركب فيه شراع مكتوب عليه كلمة امل .. و عملت فيها السندباد .. حبيت اروح كل البلاد .. و عند اول شط نازل لقيت شراعي بينحني .. و قاللي كنت سالتني .. الشط دا مش محتمل ..

طول الانتظار .

يا لَيتَ بعضُ الاُمنِيات تَاتي بِطولِ الانتِظار .. فكَم مِن هم طال صَمتُ الليلِ فيه .. وَ كَم مِن قلب ظَلَ يحلَم بالنَهار ..

قلبي بيتحداني .

قَلبي بِيْتحَدَّاني .. و اَنا قُلتِلُه اتنَيِّل ..
كُل اَمَّا احْتَاجُه جَمبي .. يِطلَع معايْا عَيِّل ..

العتب علي مين ؟!

يا قَلبي اِهدَي و اِستَنََّي هَحَايِل فِيكْ لَكِن بَعْدين .. دا مُشكِلتَك بِلا فَاعِل .. طَيِّب يِبقَي العَتَب عَلي مينْ ؟!

شعور صعب .

شُعُور صَعب اَن تَكون اِبتِسامَتَك مُبَطَنه بِحُزنٍ وَ اَسَي .. و لَكِن الاَصعَب هُوَ اَن يَظهَر ضَعْفَك في اَن تُخفي هَذا الحُزن ..

رب الناس .

لا تَشكُ هَمَّك اِلي النْاس فَهُم مِثلَك مَهمومين .. بَل قَدِّمها اِلي رَب النْاس .. وَحدَهُ يَملُك مَفَاتيحُ الفَرَج ..

نص قلب .


قُلت اَجيب وَرَقه و الَوِّن قَلْبي فِيها عَلشان اَكَوِّن .. صورَه لِلي حِلِمت بِيه
قُــمت راسِم نُص قَلب و نُص تَانْي مَشُفتُهوش .. وِ الخُطوط غَطِّت عَليه


نافش ريشي .

شافني و قام عامل انه مشفنيشي .. فقمت انا تقلان ماشي و نافش ريشي ..
لقيته ولا عبر ولا حتي كده شاور .. عنده برود عالي و أنا معنديشي ..

و عجبي !

بتمناك .

بتمناك و بتمني اكون وياك .. و هبدا بيك حكايتي و احب تكون بلا نهايه .. و اكون انا طول حياتي معاك .. و الفرحه تشوفها ويايا ..
و البسمه احس بجمالها .. و دايما من عنيك تبدأ .. و الون فرحتي بلقاك .. و رضاك عندي يكون مبدأ ..

لحظات الندم .

شعور | كم هي قاسية لحظات الندم بعد ارتكاب الذنب (لمن له ضمير يؤنبه) !!

لن اذبل .

 
لَن استَسلِم وَ لَن اذبُل طالَما اعْطَيتَني امَلٌ انَّك سَتَأتي يوماً ..
 
 
 

ابقي معاك عيل .

فكل ظرف جواب و فكل كلمه عتاب .. و فكل حرف معاني .. و شعور زعل كداب ..
منك ولا بزعل و لا عمري بتخيل .. اني اشيل منك و ان كنت بتشيل .. ناسك و احبابك غيرهم انا الاحباب .. و رجولتي لو بالزعل .. ابقي معاك عيل ..

ماليني الشوق .

زي الكلام ما بييجي مالقلب و بيتقال .. زي النغم ما يرن باللحن فالموال .. انا عندي الف دليل اني ماليني الشوق .. طاير و شايلني رافع جناحي لفوق .. و انا فرحتي ملياني .. و بقيت كما الاطفال ..

الأحد، 1 أبريل، 2012

كَأِنِّـــي

و كَأِنِّـــي مَتكَلمتِش .. و كَأِنِّــي مَا حَبِّيـــت
و كَأِن كُـــل كَـلامْي .. جــــــالَك لِحَد الْبيت
جَالَك و سِبْتُه يِنْادي .. مِش بَس فِالـمرَّادْي
دَا فِكُل مَـــرَّه نادالَك .. سِبتْه وِ ما رَدِّيـــــت

و عَجَبِيْ !

الخميس، 29 مارس، 2012

فشوارع الحب

فِشَوارِع الحُب انا هَدَّنجِل .. و فحــارِة الغيرَه اَنا هَهواك
وِ اِنتَ تِنَفَّضلـــــي وِ تِتاَخر .. وِ تِسِبني اَفَكَر فِلُقَـــــــــاك

و أَغَمَّض وَ اسرَح في عِمارَه .. 12 دور شِرحَه و بِرحَــــه
و اَقول لَو اَخُدلَك فيها مَطرَح .. خُفت اِنتَ تسورَأ مِالفَرحَه

الخميس، 23 فبراير، 2012

خدنا العشم .

بنراعي فالمليان و الفاضي بنراعي .. و لما خدنا العشم زعلوا بدون داعي 
زعلوا و بعدوا و نسيوا كام مره انا راعيت .. و داريت و لجل عشمهم .. 
همي و اوجاعي ...
 و عجبي .

ابحث عن اهدافك

لكل عمل هدف .. لذلك يكون العمل طيب من طيب هدفه .. فابحث عن اهدافك قبل اعمالك .

الأربعاء، 22 فبراير، 2012

المطر خير

كم رائعة هي قطرات الامطار الساحره .. تشعرك بدفئ بطعم السقيع .. تعطيك امل في اصعب المحن .. تذكرك بربك في ظلمة السماء و عظمة خالقه .. تحفزك لتدعو الله متأملا في كل قطرة تتساقط فوق رأسك و يبتل بها جبينك ..

حقا .. المطــــر خيـــــــر ..

لا تحرق افكارك

من المؤكد ان بداخلك فكره و تتصرف علي اساسها .. فكن خلاقا .. و لا تحرق افكارك بداخلك .

انت انسان جميل

لا يأخذك الاعجاب بنفسك لاحتقار الاخرين .. ولا تحقر من نفسك ظنا منك انه التواضع .. فانت انسان جميل لان الله خلقك في احسن صوره .. و انت عبد فقط لمن خلقك .. فان اردت العبث باتزان الامور فقد شوهت انسانيتك ..

لا تفقد الحب

قطرات الندي في ليل السقيع .. و الوان الطير في خلط بديع .. و انين الوفاء في جرو وديع .. و سطوع الشمس علي ورد الربيع ..

الحب يتناثر بين ثنايا الحياه فلا تفقده ..

سامحه الان

من اخطأ في حقك سيأتي يوم و يرحل عنك او سترحل عنه .. سترجو لو سامحته .. فسامحه الان قبل ان يأتي الفراق ..

الأحد، 15 يناير، 2012

تنفس الهواء




اغمض عينك و اتجه بوجهك الي السماء .. تنفس الهواء و دعه يشعر كم تحتاج اليه .. و اخرجه علي وعد انك ستستنشقه مرة اخري طالما مازال قلبك ينبض .. احب حياتك ( النقيه ) و اخرج مع كل زفير شوائب يومك .. و استبدلها بامل و حب و تطلع الي انفاس افضل ..