السبت، 2 يوليو، 2011

انساني بسيط

 
بلا تحكيلي بلا نيله .. ناوي تطفشني دي الليله !!

تجوللي ثوره و مظاهرات .. تجوللي ضربوا فالستات .. انا مبجتشي عايز اسمع ..
و ليه اسمع و انا عارف ؟! و ليه توريني منا شايف ؟!

هتبص تجوللي انا هايف ؟!  طيب يا سيدي انا هايف ... اجولك !! يا سيدي كمان انا خاااايف .. 

انا خايف علي بلدي و ولدتها اللي بتعاني ... انا فلاح لكن فاهم .. و النار فبلادي وجعاني .. 

زهجان من ناس و بسمعهم .. ولا عمري لجتها سمعاني .. منا اصلي مش بزعج صوتي .. انا بحكي بشكل انساني ..

و يوم ما جولت دي الكلمه .. ماعدتش بتسمع نوبه .. و يوم ما سألتهم طب ليه؟! .. جالوا انت جولت انساني ..

اييييييييييه دنيا ....

هحكي و المره اخر نوبه .. و كرامتي عليه مغلوبه .. لكن دي فداكي يا بلادي .. لحد ما ينصلح حالك .. و انا جاعد فيكي مش راحل ..

و هيمشوا و انا اللي هبجالك .. و جلوها كتير بجت ماسخه .. و عشان كده مش هاجولهالك .. 

انا عندي فزرعتي بدايه .. هبدأها و هرمي فيها بذور .. و اصبر علي سنة الخالج .. و استني يشوف ورجها النور .. 

و اجلع طرحتها فالموسم .. و اخدلي صوره فوسط الغيط .. مليان شجر و الوان و زهور ..

جالك متسمعلوش دا عبيط .. هياخدلي صوره فوسط الغيط .. لكن والله ما بيفهم .. لا عاجبه ابجي انساني .. 

ولا عاجبه اني ابجي بسيط .. يا رب الصبر من عندك .. 

فهم استاذ نبيه صاحبك .. اني بدات بطرف الخيط .. و بساطتي فالكلام دي جناعه .. ماعتدتش اجول كلام لخابيط .. 

الجصد نهاية الجول .. علشان يا بلدي ترتاحي .. للغلطه بيبجي مسجول .. مش عاركه فسهره صباحي ..

انا عندي فراسي في عجلي .. ولا مية عفريت فمصباحي .. 

هعدل و اطلب اشوف العدل .. بالحكمه و مش هسيب الغيط .. و حبي يبان و لون زرعي .. يجولهالك بشكل بسيط

و انا عند وعدي يا بلدي .. مهما يجولوا عليه عبيط ... 


الثلاثاء، 28 يونيو، 2011

اسقي البذور


فرق هنا ريحانك و ارمي الزهور عندي .. 

و اسقي البذور تطرح ... نفسك نسيم يندي .. 

مانت الورود البيض ... و بياضها فيك وردي ..

و انت الجمال انزرع ... و طرح هنا فأرضي .. 

و عجبي !!