الجمعة، 25 يناير، 2013

في ذكري 25 ثورة يناير


الليلَه ميت دَمعـَـــــــــه
نازلَه عَشان ذِكــــــــري
نازلَه عَشان فِكـــــــــرَه
فاكرَه اللي راح لاجل ان
يِحييها مِن دا اليـــــــوم
و رَحَل عَشان بُكـــــــره
كَتَب التاريخ دمُّـــــــــــه
وَجَع الكَلام امُـــــــــــــه
وِقِف الجَميع يِقــــــــــرا
مَشهَد حَزين يِفـــــــرِح
مشهَد شَهيد مســـرَح
ثورِة هُموم اُســــــــــرَه
ضَمايِرها مِش كافـــــرَه
بالعَدل و المُســــــــاواه
اللي الجَشع خــــــــلَّاه
مَردوم عَليه فـِ حُفـــــرَه
الليلَه ميت دَمعـَـــــــــه
نازلَه عَشان ذِكــــــــري

الأربعاء، 23 يناير، 2013

السلسبيل

السلسبيل انــــــــــت
و المنتهي روحـــــــــك
و ببوح كما بوحـــــــــك
ناطق يقول اسمــــــي
مرسال و كان رسمي
مالسلسبيل و انــــــت
و المنتهي روحـــــــــك

الاثنين، 21 يناير، 2013

مجنون .

مجنون جنون جانـــــي
مشحون شجن حانـي
مسنون سنون عطفي
زانن علي ودانــــــــي
اعشق عنيك و اصبـــر
صبار يا عنوانـــــــــــي
و رهان فراق يخســــر
مرهون و كان جانـــــي
علي حلم جمعنــــــــا
و املنا يسمعنـــــــــــا
نرجع ندوب تانـــــــــي
و ارجع اكون مجنــــون
مجنون جنون جانـــــي

الخميس، 17 يناير، 2013

بين قُطوف الزَهـر





مِن بين قُطوف الزَهـر
انت الوَحيد تِتسِقــي
و ادفَع حَياتي مَهـــــر
للفُرصه لاجل التِقِــي
عينَك يا نور العُمــــــر
ارحَمني بيك اتِّقــــي
رَب القُلوب و الاَمـــــر
واصِل نِهايتُه و شِقِي
قَلبي فعِنيك السُمــر

يا موزعين الهـَـــــم

يا موزعين الهـَـــــم
شُكراً انا مَهمـــــوم
اصلاً و مش مُهتــَـم
و عَجبي همِّي اتلَم
نسَّاني طَعم النــوم

و عَجبي !

الاثنين، 14 يناير، 2013

الحُزن اللي شابـِك

لَملِم الحُزن اللي شابـِك
طَرف ديل فُستان هَــواك
كمِّل الصوره بِمـــــــــلاك
كون كَاحسن حَد سابـِك
دور لِعاشِق مُستَميــــت
جُوَّه مِنَّك انت ميـــــــــت
مُشكِلَه و مَشبوك مَعـاك
قَلب مش ذَنبُه و يا ريــت
لَملِم الحُزن اللي شابـِـك
طَرف ديل فُستان هَــواك

الأحد، 13 يناير، 2013

متتكلمش

متتكلمش اقول ماشـــــي
و اكلمها مترضاشــــــــــي
و ازن كتير تقوم ترمـــــــي
بكام كلمه علي الماشـي

و عجبي !

حنِّن عليَّه الأسـي


حنِّن عليَّه الأسـي
ارحَم قُليب حبـَّــك
كان ذَنبه بيحبـَّـك !
ولا الكلام اتنَســي
لما التَقيت عينـَــك
تِسأل تِقول فينــَـك
و فحضرِتي كويِّسَه
و اما تقولِّي الشِعر
صار الغَزَل ميت رِثـا
بعد اما كُنَّا احبـــاب
ايْوه الكَلام اتنَسـي

السبت، 12 يناير، 2013

لما المطر بيفيــض

لمَّا المَطَر بِيْفيــض ,, حُزني مَبيْفيضشـــي
و اما الجِراح بتهون ,, انا عندي مَتهونشي
و عَجَبي همِّي تقيل وَقت اَّما بِتباعِـــــــــــد
لَكِنُّه لو تِحضَر ابداً مَيوْزنشــــــــــــــــــــي

و عجبي ! 

انا الدمعه

انا الدمعه اللي مبتنشفش من عالخـد
انا المجروح و مصعبتش فيوم علي حـد
انا الشارع فحالة لما يتزاحـــــــــــــــــم
انا العاركه و لما الناس بتتلاحـــــــــــــم
انا الباب اللي كان مفتوح لكنه اتســــد
انا الدمعه اللي مبتنشفش من عالخـد

الخميس، 10 يناير، 2013

متكدِّبوش الخشيـَ

متكدِّبوش الخشيـَ ,, دا ساعات بِيتواجـِـــــــد
و ساعات بيتاخِد ,, و عَجَبي دا اللي اختَشيـَ
وِسط الأُلوف واحِد ,,

و عجبي !

رياضيات الحب


حب + غيره منـــك
- التفكير فانـــــــــك
تيجي يوم متحبنيـش
كل دا = ان اعيــــش
عند قمة حسن ظنك

عارف !

عارف ممكن ننفع بعـــض
بس سعادتك مش موجــود
باعد نفسك هاوي البعـــــد
بتنرفزني كتير بــــــــــردود
لا انت مقرب ولا بتجـــرب
سايب بابك ليه مـــــــــردود
و معلقني معاك بطريـــــــق
يوم مفتوح و التاني مسدود

الثلاثاء، 8 يناير، 2013

لسه صغيـَّـــــــــره

و فنظري لسه صغيـَّـــــــــره
بنوته حلوه مضفَّـــــــــــــره
الشعرتين السود قــــــــــوي
عنقود و نازل يرتـــــــــــوي
من سلسبيلك قنطـــــــــــــره
توصل ما بين قلبين و انــــا
حابك و مش متغيــَّــــــــــره
خليني عاشقك و الهنــــــــا
سايب جفون متحيـــَّــــــــره
و عيون ما تقفل ميت سنــه
و ملامحك انت حنينــــــــــه
و فنظري لسه صغيــــــــــره

من دواعي سعادتي

من دواعي سعادتي انـي
يوم ما تِبعدي ثانيه عنــي
يبقي من جُواكي راحــــه
من بجاحتي و بصراحـــــه
هاجي يومها سعيد بغني
لاجل ما تكون فرحِتــِـــــك
كل روحي سامحِتـــِـــــك
كوني مبسوطه لأنـــــــي
ايامي اللي جايه راحـــــه
فالسُكات ,, فالمِساحـــه
الضلمه جدا جُوْا منــــــي
فيا جَرح كتير كتمتـــــــــه
عشت بضحك كان آلمني
بخدعِك علشان تِآمنــــي
من دواعي سعادتي اني
يوم ما تِبعدي ثانيه عنـي
يبقي من جُواكي راحـــه

الاثنين، 7 يناير، 2013

عيناكِ كَظلٌ يتَلطــــــــــف

عيناكِ كَظلٌ يتَلطـــــــــف
و الوردُ الاحمَر كَجُفونـــك
و القلبُ حَبيبتي يتَعفـــــف
مع اني اعيشُ كَمجنونــــك
و الناسُ تَراني كَما الخاسِـر
فاعيشُ الماضي و اُعاصِـــر
حلمٌ لَه اسمِك لهُ لونِـــــــك
اتخفي بِفكري عَن الدُنيـــا
و اُلَملِم شوقٌ يَتناثـــَـــــــــر
و اُصَمم كَي ابقي اُحبـــــك
و القَلبُ حَبيبَتي يتَعفــــــف
عيناكِ كَظلٌ يتَلطــــــــــف
و الوردُ الاحمَر كَجُفونـــــك

الطيرُ مِرسالي

لا اقذِف بِرُمحٍ في طَلقِ الهَوا ,, فلقَد احببتُكي و الطيرُ مِرسالي
 فقَد تُجرَح حروف في رِسَالاتي ,, و كلُّ النَزفِ باقِ مِن اعماقِ اوصالي

الأحد، 6 يناير، 2013

قَلبي و مَتحبِّـــــش

قَلبي و مَتحبِّـــــش
صوتي و مِتلبِّـــــش
دَمعي كِتير نـــــازل
بالآه بِيِتحَبـــــــــِّش
و الآه دي بتكمــــل
صورة حبيب هَمِّش
كُل الشُعور اللــــي
حَسيته مَتحَسِّــش

نَفس التوب

قَلبين فِنَفس التوب ,, و انا توبي مَقوي قُلوب
و اما انكَوي قلبَــــك ,, جاني حِلِف هَيْتـــــوب

و عجبي !

اكتِبلي بَحِبَّك

اكتِبلي بَحِبَّك و ان خَطَّك ,, مِش واضِح انا هَعرَف اقرا !

حدش يجيله يفهمـــــــــه !!

حدش يجيله يفهمـــــــــه
اني انا عشقان قــــــــوي
مين عنده نيه و منتـــــوي
هيروح بجد يكلمـــــــــــــه
و قولوله صاحبك مستـوي
يفتحلي سرسوب ارتــوي
انا مستعد اعلمـــــــــــــه
ازاي يكون صبر الحبيــــب
ازاي تجيب ,, روح الامـــل
و ازاي فقلبك يكتمــــــــل
العشق يا عشق القليـب
حدش يجيله يفهمـــــــــه
اني انا عشقان قــــــــوي

مجنون

مجنون و مش مجنون
الا اللي بيحبــــــــــك
و جنوني مش بيهـون
غير بس علي قلبـــك

انتي !


انتي بَردي فـِ الشِتا ,, انتي حُب الكلفَتَـه !

ساكت قوي

ممكن اكون ساكت قـــوي
بس الكلام مالي السكوت
ممكن اقول مليون بحبـــك
و حبي مش محتاج لصوت

الجمعة، 4 يناير، 2013

حبيت و متحبتش

حبيت و متحبتــــــش
و الشط مش شطـي
و فيوم سبوع حبــــي
يا جراح عليه خطـــي
سمّي و رني الهـــون
حاسبي الوجع هايــن
و اما الوجع بيهـــــــون
بيكون أوي بايــــــــــن
يا جراح حبيب صايـــن
وجعي ,, انا مسجـون
و السجن بارادتــــــي
و ارادتي نفس اللــون
من لون حبيب خايــن
انا لما قولت اهــــوي
كنت انكويت حيـــــره
و فكل تفكيــــــــــــره
توقيعي و بخطـــــــي
بيقول شعورك جـــــد
و متعترفش لحــــــــد
غير بس محبوبـــــــك
و القي القدر عايــــن
محبوب مبيحبـــــــش
حالف مهيحبـــــــــش
قمت التقيت صــــدّي
و قراري من يومهـــــا
للقلب متدايـــــــــــن
من يومها عنوانـــــي
حبيت و متحبتـــــش

طبيعي نغير


طبيعي نغير عشان بنحب
و كل العاشقين بتغير
لكن لما الحبيب اتحب
و شاف نفسه مكانه كبير
فقلب حبيبه قام شابب
و لما شب ,, شاف اكتر
صبح مغرور ,, و مستكتر
علي العاشق يكون حابب
و ميريحش احساسه
و يبدا يملي و فكاسه
شوية بُعد و شويه يقوم كابب
علي قلبه بعاد اكبر
يقوم يظهر ,,
أوي ريشتين علي راسه
يغير و يغير و ميريحش
مالغيره ,,
و يصبح جزء مالحيره
و كله يا ريت في شيء عاجب
حبيب سايب
حبيب تاني ,, و بيعاني ,,
صبح بيقول لدمع العين
لاحساسه ,,
يا ريتك كنتي ما تباني
و فالاخر عشان بنحب
بنرجع فالكلام و القلب
يقول اصلا دا شيء عادي
طبيعي نغير عشان بنحب

جرة قلـــــــــم ..

انا كنت جرة قلـــــــــم
صبح القلم مقصــــوف
انا كنت دمعة نـــــــدم
زاد الالم بالخـــــــوف
نفسي بجد افهـــــــــم !
كلمني لاجل افهــــــم !
دا الفرح لما اترســــــم
كان سببه مش معروف

الثلاثاء، 1 يناير، 2013

متعمد يضحك

مُتَعَمد يضحَك بِالعافــــــــــيَه ,, مين قالَّك ان انا اراجـــــوز !
دا البَسمَه بِترضيني و كافيَه ,, ليه بَقي مِن قلبَك لا تَجوز !

مفهمنيش !

لمَّا انوَجَع قَلبــــــــي
بيِّنت مَفهِمنيــــــــــش
و امَّا انكَويت و بَكيـت
صَمِم و مَفهمنيــــــش
و عَجَبي بيمَشِّينـــــي
فاكِر كِده يِرتـــــــاح
بَقعُد انا مَمشيـــــش

و عَجَبي !

شَبَك الشَبَك

شَبَك الشَبَك بيِّــــا

صاب الصِبا كُلُّــــــه

شاب الشَباب فيِّــا

قَلَب القُلوب ديِّــــه

عَلَشان كِدا مالُّـــه

عاجِز العَجوز قَلبـي

فاضِل بِيفضَلُّــــــــه

صَبَح الصَبَاح لِيــَّـــه

علي ضِل من ضِلُّـه