السبت، 8 يناير، 2011

الحمد لله

اشكي لمين غيرك !! و انت اللي بينا رحيم..

و ان حتي ننسي و نبعد..دايما يا رب كريم..

و ان شفت نفسي فيوم..اكتر واحد مهموم..

ييجي هداك و اعرف..اني عايش فنعيم..

الخميس، 6 يناير، 2011

نصيحـــــ(:ــــه

 عايز اقول كلمه و نصيحه..يمكن تحتاج ليها فيوم خليها دايما مبدأ عندك..مش وقت اما تكون مهموم
 ربنا دايما خليه فقلبك..و ارضيه قبل ما ترضي الناس
 تلاقيه دايما واقف جنبك..حب الله دا اجمل احساس..

الأربعاء، 5 يناير، 2011

الأم

ربي موصي عليها فكتابه القرآن..خلاها رمز الرحمه خلاها رمز حنان
فحضنها بنتدفي و ان كترت الاحضان..و حبها جوانا دا فطره فالانسان
دور فوسط الناس مين قدها حبك؟..مين قدها بيديك ولا ينتظر منك؟
مهما تلاقي حبايب عمرك ما تلقي حبيب..حبك كده بفطره بعدد سنين عمرك
الأم دي رحمه من الرحيم الله..فكر دي من غيرها ازاي دي تبقي حياه
تلاقيها اجمل كنز ممكن فيوم تلقاه..اوعاك تضيع كنز غيرك بيتمناه
اوعاك تغمض عين و هي زعلانه..مهما هتعمل فيك متقلولش غلطانه
ولا يوم تشوفها عنيك كده اي انسانه..و اسمع كلام ربنا زي ما وصانا

الثلاثاء، 4 يناير، 2011

years of love :)

my eyes started to push my tears continuously when my ears heard the voice of my lost love...it wasn`t a real voice but it was some thing hidden in my mind searching for the moment in which my heart felt the shiver of love feelings...all of these actions happened just in one second which let me feel as it`s years of love.

كم هو غريــــــب !!

سكت الكلام و نطق القلم...نطق اول ما نطق حروف اسمك يا من تعلق قلبي بهواه..ظل يكتب و يكتب و كاد عقلي يتوقف عن التفكير...و لكن القلم مازال يكتب و يكتب فقد شعر بحالي اكثر مما اشعر به انا..فتركت له مطلق الحريه..و قلت له اكتب فانت اصدق من الكلام....فكتب ما كتب و ما زال يكتب و انا مازلت متابعا له..فهكذا اقرأ سطور ما هي الا ترجمه لنبضات قلبي..و هي اللغز الذي كنت لا افهمه حتي هذه اللحظه..و لكن جاء القلم ليكتب بخط يدي و يزيل علامات الاستفهام و التعجب من امامي...و ها انا الان قد ادركت خبايا شعوري و تفسير نبض قلبي...فما هي الا شييء جميل..ربما يكون متعب لكن ليس بمرض..و ربما يسهرني الليل و لكنه ليس الخوف او القلق..و ربما يزيد من تفكيري طوال الوقت و لكنه ليس بمشكله..و ايضا ربما يبكيني و لكنه ليس الحزن...فما هذا الشييء الذي قد تجمع فيه هذا القدر من المشاعر و الاحاسيس!!!
كانت لحظه و ربما اقل قد ادركت فيها ما هو هذا الشييء قبل ان يكتبها القلم..لم اكن مخطيء في ادراك هذا حتي رأيت القلم قد ابطأ قليلا
فقد حان موعد كتابة اجمل الكلمات و اسماها في المعني و الغايه و الشعور و ها هو .... الحـــــــــب .... كلمه صغيره ربما او بسيطه فليكن..و لكنها تخبيء خلفها آلاف الكلمات بل الملايين منها..يتفجر منها بئر من الاحساس..و فيض من الآلام الجميله و المشكلات البريئه...فهذا ليس تناقض في الوصف بل هو الحب....
حقـــا....ما اغربه!....لكـــن ما احـــلاه!

لا تنســـي..

وما الحياة الا كنز للشقي .. لا يراه من اراد الآخره.

فلتنظر كم ستبقي فـيها حي .. و كم وجدت من نعـم مسخره.

فغـدا ستفني كما اقــر الخالق .. و غدا ستحشر النفوس الساخــــره.

في يوم يأتي فيه امر خارق .. و تري الوجوه منيرة لذوي القلوب الصابره

اصبــــر!!

ان الله يبـتــليك لصالحـك..و ليـــس ظلمـا منــه و ليـس لتحــزن.

فان صبرت و قمت بشد مكابحك..فلقد اصبت و كنت حقا مؤمن.

ولا تترك الشيطـان يوما يحكمك..و لـــتستعذ بالله فـانت بمأمــن.

فتـــقول رب العزة انــــــي اسالك..الستـــر يوما انت فيه مهيمـن.

غربــــة النفـــــس !!

محبوس جوايا حاسس بغربه ويا نفسي ... انا داري ولا مداري اني عايش وحداني منسي
يا انا قومي و قوليلي هتسمي حالي ايه ... ولا اقولك زي ما انتي متقوليش و حاولي تنسي
هتقوليلي اني جبان هتقوليلي اني ضعيف ... هتقوليلي من دا الكلام اللي ماليني احساس مخيف
في عز ما نفسي اسمعلي كلمه تبني فيه حاجه حلوه ... بعد ما دوقت وحده جارحه ولا جرح حد احد سيف
اعمل ايه؟؟ ابدا منين؟؟ و الحكايه ازاي تكون؟؟ ... مش قادر افضل لوحدي حاسس جوايا طوفان جنون
بس دوايا هو نفسي اللي حاسه بضعف قهري ... لازم احرر روحي تاني و افتحلها ابواب السجون

كلنا كده....

انا جوايا كتير عايشين..فيهم اللي سعيد و فيه اللي حزين..زي ماكون مش عارف نفسي..بس انا عارف قلبي المسكين..
دايما افكر اقول هتغير..يجري العمر و هو قصير..امتي انا هقدر اعرف نفسي؟؟..والله انا مش عارف متحير..
اليوم بيعدي وراه اتنين..معرفش حياتي هتخلص فين..يقولولي انت هتعقل بكره..اصدق و استني يومين تانيين..
الدنيا توديني و بتجيب..شهر ابقي عدو و ساعه حبيب..و انا ايدي علي قلبي قاعد اراقبه..حاسس بشعور جوايا غريب..
خايف من ساعتي و من قدري..و تمر الايام و بتجري..نفسي اكون صح ولا هاممني..لكن حال الدنيا بيغري..
خلاص انا زهقت من الاحساس..باني غريب فوسط الناس..و عرفت ان اللي يخاف مالدنيل لازم يتعذب و هينداس..
احساسي اتغير جوايا..يوم لما بدات ابقي معايا..و حياتي بقت مليانه امان..و الدنيا بتمشي علي هوايا..
معقوله الحلم بيتحقق!!..انا خايف مش قادر اصدق!!..لكن كان امتي نفعني الخوف؟؟..لازم ابعده عني و ابدا..
يا رب اهديني و خليني..اثبت علي طاعتي و علي ديني..ده انت العالم بيه يا ربي..مين غيرك يقدر يحميني؟! مين غيرك يقدر يحميني؟!..

ذكري باقيـــــــــ ابدا ــــــــــــــه

عايش علي الذكري و جراحي بتعزيني..مش قادر احكي لحد و كلامي بيني و بيني..
و لما بحكي لنفسي مبقولش غير كلمه..و دموع بصوت الآه بتفر من عيني..

ببكي قافل عيوني علشان اداريهم..معرفش كده جارحهم ولا مداويهم..
علشان لا حد يشوفني ولا يشيل همي..مه كلهم عايشين فيهم بلاويهم..

شايف في كل مكان ذكري و كام صوره..كانت في يوم كامله و دلوقتي مكسوره..
لكن يمر الوقت مهما يمر خلاص..الذكري جوايا و الصوره محفوره..

هي كده الدنيا طول ماحنا عايشين فيها..في حاجات تفرحنا و حاجات بنبكي عليها..
لا حد عارف امتي هتنزل دموع العين..ولا امتي تيجي البسمه ترسم شفايف بيها..

الاثنين، 3 يناير، 2011

و انفجـــــر الحــــب!!

هب نسيم الحب في يوم بلا اشواق..و رغم هذا اليوم وجد قلبي مشتاق..
قد سال دمع العين و حبه مراق..رآه اعمي العين فالقلب خفاق..
هز النسيم جفوني فرايت مرآتي..و وجدت نفسي كاني لم ارني في حياتي..
اغرق في بحر الحب و موجه العاتي..اتلهف رؤية حبيبي ان كان بمماتي..
يا موج بحر الحب ارسلني لاراه..و اكتب له باصدافك باني اهواه..
و علي شاطيء غرامك اجعلني القاه..لاحفر برمالك اسمه و تاريخ لقياه..
سابقي مع حبيبي حتي يشاء القدر..لو لم يشأ قدري سابقي طول العمر..
اهواك طول حياتي اهواك امد الدهر..لو ايقي عمري الاتي لرؤياك منتظر..

الحبـــــــــ فالله

تحكي لنا القصه حجره من المشفي..يسكنها شخص كفيف و رفيقه الاوفي
كان الرفيــــق مريض مرض خطــورته..عجزت علـوم الدنيا امام ان يشـــــفي

كانت حياتهما في المشفي تحت نظام..ميعاد كي تستيقظ و ميعاد حتي تنام
و الحال ظل يسيــر كما تنص النظــــم..و الرفقــــــه باقيــة في مودة و وئــــام

كان الكفيـــــــف يحلــــــم بالنــور و البصــــر..حلـــــم يزينـــه رضــــاء بالقــــدر
و رفيقــه الاوفـــي كان لــه عظــة..فيحمد اللـــــــه عظيـم الحمــد و الشكـــر

ظل الكفيـــف يسأل يوما بعــد يوما"..عما يراه صديقـه من نافذتهـــــــــم دومــا
فكانــــــت الاصوات للاطفـــال تعـجبـــه..و يبقي كنز للصــور في خيالــه مــلون

يحكي له صديقه عن طيـر في الآفــاق..و حديـــقة الاطفال كما الكفيـف اشتاق
و يعـــدد الالـــوان للزهــر و الاشجــار..و بديـــــع نعم اللـــــه الواحد الخـــــلاق

يذهب كفيــف العيـــن في احلام ما يسمـع..و العين لا تبــــصر لكنهـــــا تدمـع
يسعد بمليء القلب في هــذه اللحظــات..يقين الرضا يغنيه فالحــزن لا ينفــــع

سارت ركاب الرفقــه في الرحلـــه مر سنين..يوم يكــون الحــب يوم يكون حنيــن
و مازال يحكي الاوفي لصديقه ما يراه..ليري ابتسامة وجهه و يسمع لفرحه انين

لكــن اراد القــدر ان تنتهـــي الرفقـــه..نهايــة الالـــم و الحــــــزن و الفـــــرقــه
مات الصديق الاوفي و بقي الكفيـف وحيد..سيل دموع الحـزن في عينه يبقــي

ظل الكفيف في ذكري قصص نافذتهـم..ذكري لطير الافق و الاطفال و اصواتهــم
فيدعـــــو بالرحمـــه لصديقـــه الاوفـــي..و يبقــي في النافذه تحكيــه ايامهـــم

و فــــي يوم ياتــي طبيــب اليــه بالغرفــه..و يراه كالمعتــاد ينظــر من الشرفــه
يسالــه ما يعجبــك هنــاك يا ابت!!..هنـاك دومــا اراك كنــت و صديقــك الاوفـي

فاخــذ الكفيـف يعـــــد ما يظنه موجــود..الطيــــر و الاطفــال و حديقـــــة و ورود
فبكي الطبيب بصـوت يخفيه في نفسه..و طلب ان يصحبه سريعا و سوف يعــود

اخذ الطبيــــب كفيفه و طالبــه بالصبــر..و رافقــه رحلـــه قصيـــره لصديقه القبر
و اخذ يدعو و يبكــي صديقـــه الاوفــي..فـــي حين هم طبيبه يخبــره عن ســر

السر ان صديقــك قد كان خير صديـــــق..قد كان يحكي خيالا اليك كــي يرضيــك
اراد ان يسعــــــدك اراد ان يبقيــــق..في فرحتـــك و الله.....حقا فنعـــم رفيـــق

هكذا المسلــــم بحـــــق يعامــل الله..كان لـحاجـــة صديقــــــه الالم ينســــــاه
فيسعد اخيه المسلـــــم بقــدر ما يمـلك..و كفاه عن هذا جزاء رب العبـــــاد يراه

رغبه في التغيير..

بيعلي صوتي فبيت حزين..بيت حزن قلبي اللي انكتب مالموجوعين..و تجلجل الدمعه اللي نازله من عينيه..فيها لمعه..لمعتيـــن..و تبدي مخزون الهوان اللي انفرط غطي الحنيــن....سال الأسي من كاس علي اخره اتملي..و فيه انحفر ما يتنسي و الناس تقول الدنيا حلوه كويسه..طب حلوه فين؟؟
طب حلوه لما تتملي غل و طمع!!..ولا اما يبقي الظلم صوته بيتسمع!!..ولا الخداع!!..ولا الجشع!!......يا عدل قوم انفض تراب الحزن زاد غطي الجبين..عالجني بيك..خلص كياني من الوجع..و اربط نفس خيط الحياه اللي انقطع..رجعنا تاني كويسين..رجع حنين..غطت عليه احزان شهور و احزان سنين..رجع ورود قفلت و كنت اعتدت اشوفهم مفتوحين..و منسمين اشواق و حب علي الحياه الطيبه..مش مستحيل الفرح ييجي من جديد..سامع خطاه جاي من بعيد..قرب خلاص و بقت خطاوي قريبه..خليك جدع..اصبر شويه خلاص..نبضك رجع..و اتحركت عجلاته بالاحساس..دار و اندفع....انسان انا اصلي منيش حتة حديد..هسمع نصايحك هستفيد..هبدا افيد..لازم تقول لازم تعيد..و احكي انا عما سمعته للقريب و للبعيد....يللا نخلي الهم دا..كان طاقه بيها الخير يزيد......
عندي اتفاق بينا نجيبه و نزرعه..و نقطع اوراق النفاق و نمزعه..هتكون بذوره الحب و اوراقه الحياه..و نزيد غيطان الحب غيره و نوسعه....باصص انا شايف اهلي و ناسي في لمه..نازل عرقهم شهد و عسل في خلية الهمه..يشفي بسر الهي داء الهوان و الحزن..و يزيع خبر و يجللي عن نهضة الأمه.
القصه قوه و عزم يقدر علي التغيير..قادر يقول دي حياتي لازم عليها اغير..طول عمري فاكر هدفي اللي اتخلقت عشانه..ابذل فيه مالي...حياتي...كياني...ولا عمري هبقي فقيــــــــــــــــــر